Þetta verður aðeins öðruvísi Master Class með Lesley: almenn kynning um Cognac svæði, um framleiðsluna, og smökkun mismunandi tegunda sjálfsagt en með sérsníði. Við getum lofað verulega skemmtilegt og spennandi Master Class með verulega skemmtilega manneskju sem þekkir Ísland mjög vel og hefur verið lengst allra í koníak-fræðum! Forvitin? Skráning: dominique (hjá) vinskolinn.is (Verð 3000 kr - Hótel Centrum v/Aðalstræti 7. september kl 18.00)

Næsti gestur okkar verður Leslie Ellis frá Camus Cognac, hún hefur komið margoft til landsins en við ákváðum að biðja hana um að heimsækja okkur og halda Master Class þriðjud. 7 september. Fyrir fáeinum árum breytti Camus útliti flaskna sinna og einnig samsetningu koníaksins sem varð mildara og blómlegra, og leggur nú mikla áherslu á að draga fram einkenni svæðanna í Cognac. Sömuleiðis hefur framleiðandinn farið í sérframleiðslu, eins og koníakið frá Ile de Ré, sem færist nær vískii með saltkeim frá eyjunni. Leslie er þar fyrir utan afar skemmtileg manneskja þannig að þetta ætti að vera ljúf stund. Þriðjud. 7. september, kl 18.00 Hótel Reykjavík Centrum - Verð: 3000 kr. Skráning: dominique@vinskolinn.is

Cune er næst elsta vínhús Rioja og sker sig úr frá öðrum að því leyti að þeir eiga 50% af vínekrunum þar sem flestir kaupa þrúgur af litlum vínbændum sem eiga í meðaltali innan við 1/2 ha. Víngerðin er sígild en nútímaleg í senn, þrúgan fær að njóta sín og eikin er ekki allsráðandi - svo eru nokkur vín þeirra einstök, eins og Graziano vínið. Cune hefur nefnilega lagt mikla áherslu á því að bjarga þessa hefðbundna þrúgu sem var oft notuð á móti tempranillo. Master Class með Oscar Urrutia, sem þekkir Rioja eins og lófann á sér, verður kl 18.00 á Hótel Reykjavík Centrum. Skrá sig: dominique@vinskolinn.is

Ágúst mánuður líður undir lok, skólarnir eru byrjaðir aftur og vonandi hafa allir notið sumarsins. Vínskólinn hlakkar mikið til haustsins sem verður að vanda viðburðarríkt og mun dagskrá birtast hér á þessum síðum í næsta viku. Það verða alltaf einhverjar nýjungar og einnig hafa margir góðir gestir boðið sína komu til landsins - sem er ánægjulegt.

Upp hefur komið sú hugmynd að reyna að fara vínsmökkunarferð til Kataloníu snemma í haust og væri mjög gott að heyra hvort sú hugmynd fær hljómgrunn. Flogið yrði til Barcelona og gist í vínhéraði, líklega á tveimum stöðum. Þar sem flogið er einu sinni í viku væri vínsmökkun í 4 daga og frjálsir dagar (á eigin kostnað) það sem eftir er. Mögulegir dagsetningar eru 28. ágúst til 4. september.Það er nóg af vínhúsum til að heimsækja, en efstir á listanum eru Torres, Pares Balta, Abadal, einn Cava framleiðandi, vínhús í Priorat. Ekkert verð er enn komið en það virðist vera hægt að hafa það hóflegt miðað við flugverð. Endilega láta heyra í ykkur.