Dominique Plédel Jónsson

er frönsk, hefur verið búsett á Íslandi síðan 1970. Lengst af hefur hún unnið í verslunardeildum franskra sendiráðanna í Reykjavík, Kaupmannahöfn og Óslo, síðast sem verslunarfulltrúi á Íslandi.
Hún hefur mjög langan feril varðandi vínmenningu (er ekki sagt að Frakkar fái hana í vöggugjöf??), hefur m.a. staðið fyrir frönskum kynningarvikum í mat og drykk með hótel Loftleiðum á sínum tíma og hótel Holti s.l. 10 ár.
Hún er stofnmeðlimur Vínþjónasamtakanna og hefur verið í forsvari fyrir ótal vínþjónakeppnum, einnig verið dómari í mörgum þeirra.
Hún var aðalleiðbeinandi vínskóla Eðalvína, sem var mjög vinsæll en lokaði í desember s.l.

Eymar Plédel Jónsson

er hálf franskur og hefur líklega fengið víngenið með móðurmjólkinni. Hann hefur verið starfsmaður Vínbúðarinnar í Kringlunni, hefur tekið fyrstu 2 þrepin í Vínskóla Bordeaux og staðið fyrir ýmsum námskeiðum, m.a. í afleysingum fyrir móður sína Dominique og staðið að viðtækum vínsmökkunum með ýmsum vínklúbbum.
Hann mun sjást oftar í Vínskólanum frá og með hausti  2006 þar sem Dominique kemur til með að fara sem fararstjóri í vínsmökkunarferðirnar.
Eymar er flugþjónn að atvinnu hjá Iceland Express.